Народната банка очекува годинава да се остварат нејзините октомвриски прогнози за  економски раст од 3,3%, кој би достигнал 4% на среден рок

Народната банка очекува годинава да се остварат нејзините октомвриски прогнози за  економски раст од 3,3%, кој би достигнал 4% на среден рок. Инфлацијата годинава се очекува да изнесува 2,5% додека на среден рок таа постепено да се нормализирање на 2%.

Ваквите прогнози банката ги темели на очекувањата за поповолно надворешно окружување, поволен амбиент за странски и домашни инвестиции и позитивен придонес од започнатите инфраструктурни проекти.

„Зголемената геополитичка неизвесност поради војните и конфликтите преовладува на краток рок, додека на среден рок, пак, посилната фокусираност на капиталните инвестиции, вклучително и на новиот план на Европската Унија за раст на Западниот Балкан, би ја зајакнала економската интеграција, којшто би ги подобрила економските изгледи на земјата“, оценува советот на Народна банка.

- Advertisement -

Во однос на инфлацијата од банката велат дека ризиците сè уште постојат и се поврзани со цените на примарните производи на светските берзи, но и со одредени домашни фактори коишто делуваат врз побарувачката.

Советот на Народната банка оцени дека макроекономските движења беа главно во согласност со октомвриските проекции на Народната банка. Инфлацијата и натаму се намалува, економијата и натаму постепено закрепнува, а девизните резерви остварија солиден раст. Но, ризиците сѐ уште постојат.

Во Извештајот се наведува дека глобалната економија и натаму закрепнува, при пониска инфлација и поповолни финансиски услови, но сѐ уште има понагласена геополитичка неизвесност, заради војните и конфликтите, како и евентуалните трговски санкции.