Писателката откри со чии стихови сака да биде погребана

Хрватската писателка Ведрана Рудан во својата нова колумна отворено сподели детали за нејзината моментална здравствена состојба, откривајќи дека би сакала на нејзиниот погреб да ѝ се пушти песна од легендарниот музичар Џони Кеш.

Ведрана во најновиот емотивен и искрен текст се осврна на сите пречки кои ѝ ги донела тешката болест.

„Беше недела. Само што се вратив од болница. Доцна попладнето на врата ми дојдоа децата и внуката. Мојот сопруг ме држеше за рака на каучот и ме прашуваше на секои пет минути како сум и дали ми треба нешто. Се одморивме по ручекот што тој го приготви. Син ми го испече мојот омилен колач, принцези, но без шеќер, без глутен, без… Беа супер и без. Па ми ги подаде слушалките и ми објасни како, ако ракот повторно ме зафати, ќе можам во болница да уживам во „Аба“, Габи, Јасна Злокиќ, Оливер и оној кој секогаш ме расположува – Џони Кеш. Да може, некој да ми го пушти на мобилен на погребот“, напиша Ведрана.

Рудана продолжи да споделува детали од семејната дружба.

- Advertisement -

„Бидете позитивни, сите ми велат. Ја гледав ќерка ми како се движи горе на спратот кон приземјето. Правосмукалката врескаше. Син ми по стоти пат ми објаснуваше како функционираат слушалките, внука ми стоеше покрај шпорет и ми го готвеше омиленото јадење, ориз со млеко. Мајка ѝ ја даваше совети: „Само полека, на тивок оган, баба сака оризот да биде како крем.“

Писателката откри и дека живее во стан од седумдесет квадрати, кој и покрај пишувањата во медиумите не импресионира со својот луксуз.