Српските студентите од попладнево блокираат три моста во Нови Сад, по повод три месеци од уривањето на настрешницата на градската железничка станица, а трагедијата зеде 14 жртви.
Блокадата започна во 15 часот, а според планот, Варадински и мостот Жежељ ќе бидат блокирани три часа, а мостот Слобода 24 часа.
На демонстрантите им се придружија белградските студенти кои во четвртокот тргнаа пеш кон Нови Сад.
Колоната е огромна и почнува од Универзитетот, а насобраните носат пароли и транспаренти. На самиот мост и неговите приоди веќе се собрани десетици илјади граѓани.
Меѓу учесниците во блокадата на мостот Слобода во Нови Сад има и трактористи, кои се распоредени по различни улици. Дел од нив се упатуваат кон мостот, а по нив студенти и граѓани.
Во хрватските градови Сплит, Загреб и во Осиек се одржаа собири за поддршка на српските студенти, кои до месеци протестираат по несреќата во Нови Сад каде лани на 1 ноември загинаа 14 луѓе при уривање на натстрешница. Носеа транспаренти на кирилица и на латиница, преку кои изразија поддршка до своите колеги од Србија и порачаа дека солидарноста не познава граници.
Брачна двојка од Нови Сад веднаш по венчавката дојде на студентската блокада на Варадинскиот мостот , бидејќи невестата сакала да им фрли бидермаер на студентките. Невестата застана пред девојките, го сврте грбот и како што налага традицијата, го фрли својот бидермаер зад себе.
Бидермаер го фати студентка, што предизвика овации од насобраните.
