ИНСПЕКТОРИ ГИ „ЧЕШЛААТ“ ПОГОЛЕМИТЕ МАРКЕТИ Мицкоски најави информации за в понеделник

Сите институции се излезени на терен и се наоѓаат во сите поголеми супермаркети, ова денеска го изјави на новинарско прашање премиерот Христијан Мицкоски во однос на тоа дали инспекторите излегле на терен поради високите цени во маркетите.

– Повеќе информации со јавноста ќе можам да споделам од понеделник, но можам да кажам дел од она што бевме загрижени, односно нашите стравувања стануваат вистина и реалност, така што делуваме и ќе продолжиме да делуваме – рече Мицкоски.

Како Влада имаме обврска да го штитиме стандардот на граѓаните, но истовремено да не ја нарушиме пазарната економија вели премиерот.

- Advertisement -

– Во овие моменти треба сите заедно да работиме да излеземе како победници од целата оваа оваа ситуација, и мислам дека ќе излеземе како победници – истакна претседателот на владата.