Хамас ослободи уште двајца заложници, третиот на посебна локација

Палестинската милитантна група Хамас му предаде двајца израелски заложници на Црвениот крст во Кан Јунис, Газа, а третиот заложник беше предаден подоцна на друга локација.

Израелската војска објави дека добила информација од Црвениот крст дека Хамас ги предал заложниците Јарден Бибас и Офер Калдерон.

Црвениот крст сега треба да ги доведе до силите на ИД и Шин Бет во Појасот Газа, а потоа ќе бидат евакуирани од палестинската енклава под придружба, пишува Тајмс оф Израел.

- Advertisement -

Тројцата заложници што ги ослободи Ханас се Офер Калдерон (54), Кит Сигел (65) и Јарден Бибас (35), пишува Тајмс оф Израел. Тие треба да бидат ослободени од две различни локации во Појасот Газа.

Третиот заложник, американско-израелскиот Кит Сигел, подоцна беше предаден на Црвениот крст во Газа, соопшти израелската војска (ИДФ).
Зигел (64) е виден како мавта кон толпата на бината поставена во градот Газа, изгледајќи слабо и бледо, објави Тајмс оф Израел.

Според извештаите, тој одел без помош, додека вооружени, маскирани членови на Хамас биле стационирани околу бината.

Предавањето помина без инциденти, за разлика од сцените при ослободувањето на другите заложници претходниот ден.

Откако ќе биде преземен од Црвениот крст, Сигел ќе биде пренесен до израелските сили во Појасот Газа, од каде ќе биде евакуиран.

Сигел, американско-израелски државјанин, беше киднапиран заедно со неговата сопруга Авива на 7 октомври 2023 година, за време на напад на Хамас на Кибуц Кфар Аза. Авива беше ослободена за време на претходниот прекин на огнот во ноември 2023 година.

За возврат, Израел треба да ги ослободи палестинските затвореници во согласност со прекинот на огнот меѓу Израел и Хамас.