Американската централна банка (ФЕД) ја задржа основната каматна стапка во опсег од 4,25% до 4,5% на првиот состанок годинава, што е во согласност со очекувањата на пазарот

Американската централна банка (ФЕД) ја задржа основната каматна стапка во опсег од 4,25% до 4,5% на првиот состанок годинава, што е во согласност со очекувањата на пазарот, но спротивно на барањето на новиот претседател на САД Донлд Трамп. Претходно банката три пати ги намалуваше  каматните стапки.

Претседателот на ФЕД, Џером Пауел, нагласи дека централната банка ќе продолжи внимателно да ги следи економските податоци пред да направи дополнителни прилагодувања. Тој повторно ја потврди посветеноста на ФЕД кон целта за инфлација од 2% и истакна дека е важно прво да се проценат ефектите од претходните промени во политиката.

Економските показатели покажуваат дека инфлацијата е значително намалена – од речиси 10% во 2022 година до нешто над целта на ФЕД од 2%, но сепак останува малку зголемена. Американската економија продолжува да расте со стабилно темпо, а силниот пазар на труд придонесува за тој раст.

- Advertisement -

Во заклучок, ФЕД останува на тековната монетарна политика, при што акцентот е ставен на внимателен пристап и следење на економските трендови пред донесување на нови одлуки.

Следниот состанок за разгледување на состојбата во американската економија ФЕД ќе ја одржи во март.