Замина уметникот што го овековечуваше прогонот на Македонците

На 83 годишна возраст почина Коле Манев, истакнат македонски академски сликар и филмски работник од областа на документаристиката.

Манев е роден е на 11 ноември 1941 година во селото Бапчор, Костурско, во Егејска Македонија. Во Скопје го завршил училиштето за применета уметност, а 1960 година го завршил првиот степен на Ликовната академија во Белград. Потоа заминал на студиски престој во Париз, каде повеќе пати се враќаше и изложуваше свои дела. Престојувал и во Прага, каде посетувал предавања за анимиран филм.

Коле Манев реализирал повеќе самостојни и групни изложби во Македонија, во Франција, како и во земјите од регионот.

- Advertisement -

Тој е автор и на два играни филмови. По негово сценарио и режија се снимени „Мост“ и „Еко Скоп“.

Добитник е на голем број меѓународни награди и признанија и за сликарство и за филм.

Карактеристично за целото негово творештво и уметничкото дејствување е обработката на болката и страдањата на бегалците од Егејска Македонија.