Внуката на американски претседател Доналд Трамп, Каи, ги изненади следбениците со ексклузивни видеа кои прикажуваат како изгледала инаугурацијата од перспективата на познатото семејство. Во видеата, Каи се снима како се подготвува за церемонијата, но и како се одвивале активностите ден претходно.
Семејството Трамп ги следеше сите важни моменти од денот, од церемонијата во црквата, па се до патувањето во Капитол. Иако не можела да го снима чинот на давање на заклетвата, Каи ги сподели други интересни моменти кои се случуваа зад сцената.
– Она што го сакам кај овој фустан е корсетот бидејќи е толку блескав. Ги сакам и дијамантите и сребрените детали. Мислам дека одлично ѝ одговараат на мојата кожа – додава Каи Трамп.
Пред официјалниот бал, Каи им ја прикажа внатрешноста на Белата куќа на својата придружба. Набрзо потоа, таа се фотографираше со својот татко, Доналд Трамп Џуниор, и останатите членови на семејството. Видеата дадоа незаборавен поглед на приватниот живот на семејството Трамп во еден историски момент.
Погледнете што се случуваше „зад сцената“ на инаугурацијата на Доналд Трамп во видеата кои ги објави Каи.
