Прва дама на САД повторно е убавата Меланија Трамп, која со години привлекува огромно внимание во јавноста, дури и во периодот кога нејзиниот сопруг не беше претседател.
Меланија Трамп е ново-стара прва дама на САД и повторно секој сегмент од нејзиниот живот доаѓа во прв план. Оваа атрактивна дама отсекогаш ги интригирала медиумите, а огромниот интерес по неа не престана ниту кога нејзиниот сопруг Доналд не беше претседател на САД.
Неодамна на интернет се појави една од ретките снимки на кои може да се слушне Меланија како зборува на својот мајчин јазик – словенечки.
Во снимката достапна на ТикТок, водителката ја прашува Меланија дали мисли дека за успех е потребна среќа, а таа одговара:
„Мислам дека е така, среќа е да се биде на вистинското место во вистинското време“, а потоа се исправила самата себе: „да си во вистинското време на вистинското место“.
Во коментарите под снимката беше откриено дека ова интервју е од 2000 година, а објавено е во словенечкиот документарец во 2022 година.
Деловната способност на Меланија стана очигледна во 2010 година кога лансираше сопствена линија за накит, Melania Timepieces and Jewelry, која ја продаваше преку KVC. Нејзиниот бренд беше комерцијален успех, а во текот на изминатата деценија се проценува дека таа заработила над 45 милиони долари само од овој потфат.
Кога пред точно 20 години се омажи за тогашниот бизнисмен, а сегашен претседател Доналд Трамп, нејзиниот бизнис уште повеќе процвета и интересот за неа продолжи со текот на годините. Нема сомнеж дека сега ќе преземе некои нови деловни потфати за да го зголеми салдото на својата банкарска сметка.
