Времето денеска ќе биде променливо облачно со сончеви периоди, најавува Управата за хидрометеоролошки работи.
По котлините ќе има појава на магла. Ќе дува слаб до умерен ветер. Во западните делови од Македонија ќе дува од западен, а во југоисточните делови од северозападен правец.
Утринските температури ќе се симнат од минус 3 во Берово, до 4 степени во Гевгелија, а максималната температура ќе се искачи од 4 во Тетово и во Штип, до 12 степени Целзиусови во Гевгелија.
Во Скопје времето денеска ќе биде променливо облачно и тивко со појава на магла. Минималната температура ќе биде до минус 1, а дневната до 4 степени.
Во следните денови времето ќе биде променливо облачно со сончеви периоди и со пораст на дневната температура. По котлините ќе се задржи магливо и постудено со пониска дневна температурата. Локални слаби врнежи, претежно од дожд, се очекуваат во петок.
