Загинаа 70 лица во израелските напади врз Газа

Во израелски воздушни напади загинаа уште најмалку 70 луѓе во Газа во текот на ноќта и во четвртокот, неколку часа по објавувањето на потенцијалниот прекин на огнот и на договорот за ослободување на заложниците за да се стави крај на 15-месечната војна меѓу Израел и Хамас која го опустоши Појасот Газа и предизвика хуманитарна криза, објави британски Гардијан.

Договорот допрва треба да биде формално договорен, при што Израелскиот безбедносен кабинет го одложи планираниот состанок во четвртокот утрината.

„Хамас отфрла дел од договорот, постигнат со посредниците и со Израел, во обид да изнуди отстапки во последен момент. Израелскиот кабинет нема да се состане додека посредниците не го известат Израел дека Хамас ги прифатил сите елементи од договорот“, соопшти Кабинетот на премиерот Бенјамин Нетанјаху.

- Advertisement -

Групата Хамас соопшти дека е посветена на договорот за прекин на огнот, објавен од посредниците во средата.

Во четвртокот утрината во Ерусалим беа организирани протести против договорот, при што семејствата на израелските војници, кои беа убиени за време на конфликтот, поставуваа лажни ковчези, обвиткани со израелски знамиња на улица.

Со 98 израелски заложници, кои останаа во Газа, првата фаза од договорот подразбира ослободување на 33 од нив, вклучувајќи ги сите жени, деца и мажи кои се постари од 50 години.

Претходниот извештај на израелската војска за паѓање проектил во еден кибуц (кибуц е вид земјоделска комуна во Израел), во близина на границата со Појасот Газа, подоцна беше утврдено дека е лажна идентификација.

Новинарите не можеле самостојно да ги проверат бројките на жртвите што беа објавени за време на конфликтот.