Ѓоковиќ проговори по коментарите за Хрватите: Ме осудија во сопствената земја

Најуспешниот тенисер во историјата и поранешен светски рекет број еден Новак Ѓоковиќ даде интервју за магазинот GQ кое привлече големо внимание во регионот.

Ѓоковиќ во интервјуто отворено зборуваше за теми кои досега ретко ги споменувал, но најголем интерес, особено за Србија, предизвика неговата изјава дека на последното Светско првенство ја поддржувал Хрватска.

Оваа изјава наиде на различни реакции, но Ѓоковиќ истакна дека ги поддржува спортистите од соседните земји и ги цени нивните успеси и напори, без разлика на националните разлики.

- Advertisement -

„Бев доста осуден во мојата земја, дури и од највисоките владини функционери. Но, за мене тоа е прилично едноставно. Пред се имам семејство од Хрватска. И број два, така се чувствувам во моето срце. Како да навивам за некој кој е многу подалеку од мене отколку за сосед со кој имам не само семејни врски, туку и толку многу сличности? Тоа е целата идеја. Еј, види, разбирам дека во овој модерен свет, сега сме посебни земји. „Но, се надеваме дека сфативме дека имаме толку многу заеднички нишки, историски и културни, што ќе не зближи можеби повторно како еден народ“, рече Новак Ѓоковиќ.