Разорните пожари кои беснеат низ Калифорнија веќе уништија стотици домови, вклучувајќи ги и луксузните куќи на познати личности, додека повеќе од 130.000 луѓе се евакуирани од загрозените области.
Како што пишува „Њујорк пост“, пожарите ги однеле првите жртви, додека ширењето на пожарот сè уште не е запрено. Меѓу евакуираните е и познатиот холивудски актер Харисон Форд (82).
Славниот актер го напуштил својот луксузен имот во Брентвуд, купен во 2011 година за 12,6 милиони долари, со празни раце, придружувајќи им се на соседите во безбедна област.
Форд е виден во лежерна облека – фармерки, темна маица и јакна – додека неговата сопруга Калиста Флокхарт (60) сè уште е во Њујорк поради деловни обврски, како што откри на неодамнешните Златни глобуси.
Актерот изгледаше вознемирено додека гледаше колкава е штетата што пожарот ја предизвикува во неговата околина и домовите на неговите колеги.
Многу познати личности се соочуваат со катастрофални загуби, со уништени нивните домови вредни милиони долари. Дури и омилените ресторани на богатите и славните исчезнаа во пожарите кои со денови го пустошат Лос Анџелес и околината. Ситуацијата и понатаму е критична, а противпожарните екипи постојано се обидуваат да го локализираат пожарот.
