Цените на угостителските услуги во декември 2024 година, во однос на истиот месец од претходната година, се зголемени за 6,1 %

Цените на угостителските услуги во декември 2024 година, во однос на истиот месец од претходната година, се зголемени за 6,1 %. Во споредба со ноември 2024, пак, цените пораснале за 0,6 %, соопшти Државниот завод за статистика.

Кумулативниот индекс на цените на угостителските услуги за периодот јануари – декември 2024 година, во однос на истиот период од минатата година, е зголемен за 5,6 %, додека во однос на декември 2023 година, е забележан раст од 3,5 %.

За една година, според податоците, најмногу поскапеле ноќевањата од 22,8%. Безалкохолните пијалаци поскапеле за 6,3% , а алкохолот за 4,5%. Храната пак поскапела за 1,6%.