Полицијата ја разоткри измамата со лажен билет и пасош

32-годишна турска државјанка вчера беше приведена од полициските служби на Граничниот премин „Меѓународен аеродром Скопје“. Таа се сомничи за користење фалсификувани документи. Жената, идентификувана како С.Д., се обидела да го напушти Скопје на лет за Истанбул, но контрола на документите открила сериозни нерегуларности.

Според полициските извори, при рутинска проверка на излез од државата, жената приложила фалсификуван онлајн билет за летот Скопје-Истанбул, како и фалсификувана белгиска патна исправа. Полициските службеници веднаш реагирале ѝ ја лишиле од слобода на лице место.

„При извршената контрола на патничката, забележани беа нерегуларности во приложените документи. Брзата реакција на нашите службеници спречи можен обид за нелегално преминување на границата“, информираат од полицијата.

- Advertisement -

По приведувањето, С.Д. била задржана во Полициската станица Гази Баба за натамошна истрага и ќе се соочи со соодветни законски последици.