По тепачка меѓу навивачи во Осиек, уапсени се 11 лица

Полицијата уапси 11 лица осомничени дека учествувале во синоќешната тепачка меѓу навивачи на кошаркарските клубови „Вриедноснице Осиек“ и „Задар“, извести во понеделникот полициската управа Осиек-Барања.

Собирот на овие екипи во рамките на хрватското кошаркарско првенство се одигра во неделата во спортската сала „Градски врв“ во Осиек, а полицијата соопшти дека добила повеќе пријави од граѓани за тепачка меѓу навивачи на улицата Трпимирова во Осиек.

По полициската интервенција, во врска со инцидентот се уапсени вкупно 11 лица.

- Advertisement -

Сите осомничени денеска ќе бидат изведени пред Општинскиот суд Осиек за прекршување на Законот за прекршоци против јавниот ред и мир, забележуваат од полицијата.