85% од Гренланѓаните се против понудата на Трамп

Новото истражување на јавното мислење покажа дека 85% од Гренланѓаните не сакаат нивниот остров да стане дел од САД, откако американскиот претседател Доналд Трамп ги повика САД да ја преземат контролата врз данската територија.

Анкетата спроведена од агенцијата „Вериан“, побарана од данскиот весник Берлингске, покажа дека само 6% од Гренланѓаните се за приклучување кон САД, додека 9% отсто се неопределени, пишува Гардијан.

Анкетата дојде кога данската премиерка Мете Фредериксен рече дека Европа мора да „се држи заедно“ во светлината на променливите односи со САД, за време на турнејата низ Берлин, Париз и Брисел.