Напаѓач со нож повреди неколкумина пред трговски центар во Финска

Напаѓач со нож повреди неколкумина пред трговски центар во Финска, јави Ројтерс. Инцидентот се случил во Тампере, каде засега неидентификуван маж нападнал граѓани кај автобуска станица пред влезот на центарот Ратина.

Според полицијата, нападот почнал околу 16:30 часот по локално време, а завршил за неполн час. Осомничениот бил совладан и уапсен. Властите потврдија дека ситуацијата е под контрола и нема понатамошна опасност за јавноста.

– Видов како трча со нож во рака и избоде неколку луѓе пред мене – изјавил еден од сведоците, пренесува финскиот јавен сервис.

- Advertisement -

Според очевидци, на местото на нападот имало многу повредени, а крвта се разлеала по тротоарот пред влезот.

Медицинските екипи интервенирале веднаш и згрижија неколкумина на лице место, но степенот на нивните повреди останува непознат. Областа беше целосно блокирана од полицијата, која ја обезбеди сцената и спроведе увид.

Нема информации за идентитетот или мотивот на напаѓачот. Финските медиуми наведуваат дека полицијата работи на утврдување на околностите, додека јавноста е повикана на смиреност.