Просечната цена на електричната енергија за петок, 3 октомври 2025 година, на берзата HUPX во Унгарија изнесува 95,10 евра за мегават час, додека на Македонската берза за електрична енергија – МЕМО, цената достигна 105,21 евра за мегават час, информираат од компанијата ЕДС преку нивниот Инфо поинт.
Според објавените податоци, цената на електричната енергија во дневните часови од 9:00 до 15:00 часот (Power solar peak) на HUPX достигнала 61,21 евра за мегават час, додека на МЕМО истата категорија е пресметана на 92,44 евра. Воедно, цената на природниот гас на унгарската берза CEEGEX изнесува 34,24 евра, а на холандскиот индекс TTF Dutch – 31,46 евра.
Од ЕДС појаснуваат дека ваквите информации имаат важна улога за домаќинствата и компаниите при планирањето на буџетите.
– Информациите за движењето на цената на електричната енергија и природниот гас можат да помогнат домаќинствата да заштедат на своите сметки, а компаниите да носат информирани деловни одлуки со кои ќе ги намалат трошоците и ќе ги реализираат поуспешно своите бизнис планови – велат од компанијата.
Во ЕДС нагласуваат и дека е од особено значење граѓаните да практикуваат домаќинско трошење на електричната енергија и редовно да ги подмируваат своите сметки.
– Само со одговорен пристап и рационално користење на енергијата може да се зачува стабилноста во снабдувањето во услови на динамичен енергетски пазар – додаваат од компанијата.
Важна напомена, наведуваат од ЕДС, е дека податоците од МЕМО се со почетен датум од 10 мај 2023 година, а податоците за TTF Dutch Day-Ahead производот се презентирани почнувајќи од 1 јули 2023 година.
