Брнабиќ објави дека насилството нема да биде дозволено

Eкстремисти ги нападнаa и студентите на блокадата и студентите во Пионерскиот парк, објави вечерва претседателката на српското Собрание Ана Брнабиќ на социјалната мрежа Икс.

„Лага е дека некој од Пионер Парк нападнал некого. Јасен доказ дека екстремисти ги нападнале и студентите на блокадите и студентите во паркот Пионер. Насилството нема да биде дозволено“, напиша Брнабиќ.

Студентското обезбедување прогласи крај на протестот пред српското Собрание, ги отстрани маркерите, а на насобраните во близина на Народното собрание им нареди да се повлечат, откако околу 19 часот се случи инцидент. Според извештаите од насока на паркот кон студентите е гаѓано со камења и со шишиња, а потоа група луѓе фрлија пиротехнички средства во правец на кампот во паркот.

- Advertisement -

Студентите изјавија дека собирот се прогласува за завршен штом има инциденти или повреди кои не биле предизвикани од студентите.

Иако студентите прогласија крај на протестот, дел од граѓаните уште е пред Собранието на Србија.