Завршено вештачењето на ексхумираното тело

Топ Вести - Слушај сега

Вештачењето од есхумацијата на телото на 35-годишната Марија Маринковска покажало дека и таа е жртва на серискиот убиец 25-годишниот Т.Б. од Малотино, потврдија за Вечер извори во Обвинителството.

- Advertisement -

Воедно Обвинителството соопштило дека има наредба за уште една есхумација и за уште едно вештачење, на починато лице за кои постои сомневање дека исто така е жртва на серискиот убиец.

Жителите на Челопек и Драгоманце се вознемирени и стравуваат за својата безбедност, а дел од нив се сомневаат дека 25-годишниот осомничен можеби имал и соучесник.

Т.Б. од селото Малотино се сомничи дека во периодот од 27 јануари до 12 февруари, на засега неутврден датум, во Челопек, Општина Старо Нагоричане, свирепо ја убил 78-годишната М.С.

Поради сличностите во изборот на жртвите и начинот на извршување, Обвинителството проверува дали и други случаи може да се поврзани со истиот сторител.

Роднини на 35-годишната Марија Маринковска од Куманово, која беше ексхумирана за повторно да се утврди причината за смртта, претходно се жалела дека осомничениот ја следел.

Мотивот на сторителот сè уште не е утврден. Се чека наоди од повеќе стручни лица кои треба да извршат вештачење и да достават извештај за неговата психичка состојба. Сторителот во моментов е изолиран во ќелија во кумановскиот затвор „К’шање“.