За Денот на мајките, хрватската пејачка Северина посвети објава на својата мајка Ана

За Денот на мајките, хрватската пејачка Северина посвети објава на својата мајка Ана.

„Среќен Ден на мајките на најдобрата мајка (и баба и прабаба) на светот. Нејзината топлина, грижлива и детска душа нè држи сите заедно“, напиша 53-годишната пејачка во описот на видеото во кое таа и нејзината мајка се забавуваат со песната „Јунак плажe“ од Динo Дворник.

- Advertisement -

Пејачката и претходно во неколку наврати нагласуваше дека нејзината мајка е нејзина најголема поддржувачка.

„Помина низ тежок живот со неподнослива леснотија на постоењето… Ме бодреше, беше со мене кога беше најтешко, нејзиниот смеа ме лекуваше. Таа е мајка на сите мои пријатели. Несебично споделуваше сè, но најмногу од сè љубовта. Сè што сум, сум поради неа… Мамо, среќна сум што ме роди, ти си мајка на мајките и моја кралица“, напиша Северина во една прилика.

„Таа била во кома пет месеци по породувањето со мене, но вели дека вредело“, открила пејачката еднаш за својата мајка.

Ана застана во одбрана на Северина по конфликтот меѓу пејачката и нејзината сестра. Да потсетиме, инцидентот се случи во 2022 година, кога Северина била пречекана од полицијата на аеродромот, откако нејзината сестра ја пријавила за нанесување повреди.

Сестрите наводно се скарале околу имот, а пејачката се здобила со повреди. Потоа мајката на Северина застана во нејзина одбрана и изјави дека нејзината сестра Маријана „сама се фрлала“ и дека ова не е првпат таа да ја пријавува својата сестра.