ВРНЕЖИТЕ НА ПОВИСОКИТЕ МЕСТА ЌЕ ПРЕМИНАТ ВО СНЕГ

Времето утре ќе биде претежно облачно со повремени врнежи од дожд пообилни во источните делови. На повисоките планини врнежите ќе преминуваат во снег, а на некои од повисоките места од дожд и снег. Ќе дува слаб до умерен ветер од северен правец. Температурите ќе бидат во интервал од 3 до 11 степени.

Во Скопје ќе биде претежно облачно со повремени врнежи од дожд. Ќе дува слаб до умерен северен ветер. Температурите ќе бидат во интервал од 5 до 9 степени.

До сабота ќе преовладува претежно облачно време со повремени врнежи од дожд. Пообилни врнежи се очекуваат денес, во текот на ноќта и утре (над 25 l/m² за 24 часа).

- Advertisement -

Во четврток на планините врнежите ќе преминуваат во снег, а во некои од повисоките места ќе бидат од дожд и снег. Од четврток ќе дува умерен, повремено засилен северен ветер.