Утре попладне ќе врне, времето ќе се стабилизира дури во среда

Времето утре, 17 август, недела, ќе биде променливо облачно со сончеви периоди. Попладне ќе има локална појава на нестабилност со пороен дожд и грмежи. Ќе дува слаб до умерен ветер од северен правец. Температурите ќе бидат во интервал од 13 до 35 степени.

Во Скопје ќе биде променливо облачно со сончеви периоди. Ќе дува слаб до умерен ветер од северен правец.

Температурите ќе бидат во интервал од 18 до 33 степени.

- Advertisement -

В понеделник, под влијание на влажна и нестабилна воздушна маса во понеделник на повеќе места ќе биде нестабилно со пороен дожд и грмежи. Локално процесите ќе бидат поинтензивни со услови за невреме со засилен ветер и изолирана појава на град.

Во вторник ќе има услови за изолирана појава на нестабилност, а од среда ќе преовладува претежно стабилно време со постепен пораст на дневната температура.