Украинските воздушно-јуришни сили тврдат дека ги истерале руските трупи од центарот на Покровск, стратегиски клучен град во регионот Донбас. Во официјалното соопштение, 7. Здружен воздушно-јуришен корпус соопшти дека нивните пешадиски тимови, потпомогнати од артилерија и дронови, го исчистиле централниот Соборен плоштад, железничката станица и педагошкиот факултет од непријателски сили, јави „Kиев Пост“.
Мајорот Валентин Манко, командант на јуришните единици, изјави дека „центарот на градот е исчистен“. Тој нагласи дека најголемиот товар го понела 425. јуришна пешадиска полкот, но дека и други воздушно-десантни единици, меѓу кои и падобранците од 25. бригада, одиграле клучна улога.
Меѓутоа, според извори од 425. полк, битките и понатаму продолжуваат во јужните квартови на градот. Украинската државна агенција „Хромадске“ јави дека преостанатите руски сили се под силен притисок на украинските пешадиски одреди и дронови, при што се „целосно отсечени од снабдување“.
Украински воен блогер предупреди дека битката не е целосно завршена, повикувајќи јавноста на воздржаност во објавите за напредокот на фронтот.
Од друга страна, руското Министерство за одбрана не го потврди украинскиот успех, наведувајќи дека одбиле „осум напади на 425., 81. и 95. воздушно-јуришна бригада“.
На социјалните мрежи се споделува и друга снимка, според која руски војници слободно се шетаат на булеварот Мира во центарот на градот.
Американската телевизија Си-Би-Ес, повикувајќи се на висок функционер, пренесе дека ситуацијата околу Покровск останува „нестабилна и опасна“, но дека украинското напредување „го отежнува руското снабдување и ја поткопува нивната офанзива на источниот фронт“.
Притоа, експерти потсетуваат дека уште во октомври руските сили навлегле во јужните и централните делови на градот, користејќи магла и невреме за да навлезат во градот.
