Учел од мајсторите на „Блејд ранер“, „Гејм оф Троунс“ и „Хари Потер“

Владата на својата последна седница го именуваше м-р Сашко Мицевски (авторско име Сашко Потер Мицевски), филмски и ТВ монтажер и дизајнер на звук, за нов вршител на должноста директор на Агенцијата за филм.

Мицевски студирал филмска и ТВ монтажа на Факултетот за драмски уметности во Скопје, а во 2015 година, како добитник на стипендија од Министерството за образование и наука, заминува на постдипломски студии на престижната National Film and Television School во Англија, каде што учи од етаблирани професионалци како Греам В. Хартстоун („Blade Runner“, „Aliens“), Енди Кенеди („The Crown“, „Game of Thrones“, „Harry Potter“), и Роџер Дикинс („Sicario“, „Skyfall“, „1917“) и работи на филмови прикажани на реномирани меѓународни фестивали.

Неговото професионално искуство опфаќа работа во Англија на проекти за Би-Би-Си и филмови во продукција на Пајнвуд студиос („Sherlock Gnomes“, „Mowgli“, „Fantastic Beasts: The Crimes of Grindelwald“ и „Birdbox“), како и авторски ангажмани во пост-продукција на македонски аудиовизуелни дела, меѓу кои и ТВ сериите „Преспав“ и „Куќен притвор“.

- Advertisement -

Добитник е на бројни награди, меѓу кои награда од Ројал телевижн состајети и номинација за Дејтајм еми.

Во 2020 година, со сопствени средства го возобновува тонското студио на НУФЦ „Вардар филм“, а од истата година е и член на Филмскиот совет на Агенцијата за филм.