Трамп го потпиша указот за програмата за „самодепортација“

Претседателот на Соединетите Американски Држави, Доналд Трамп, објави дека потпишал извршна наредба со која се започнува првата програма за „самоиницијативна депортација на нелегални имигранти“.

„Денес потпишав Извршна наредба за започнување на првата програма за самодепортација во историјата. Нелегалните странци кои ќе останат во Америка ќе се соочат со казни, вклучително и ненадејна депортација, на место и на начин што исклучиво ние ќе го избереме“, рече Трамп на социјалната мрежа Truth Social.

Во своето соопштение, тој исто така нагласи дека сите нелегални странци треба „веднаш да резервираат бесплатен лет“.