Томас Маркл изразил разочарување поради најновата серија на Нетфликс на својата ќерка Меган, „Со љубов, Меган“.
Во интервјуто за „Мејл“, Томас ја обвини Меган дека лаже пред камерите и дека премногу се труди да го задржи својот имиџ во јавноста.
Неговите коментари доаѓаат по забелешката на Меган што ја дала на Минди Калинг во емисијата.
„И толку е смешно што постојано велиш Меган Маркл. Знаеш дека сега сум од Сасекс“, ѝ рекла Меган на Минди.
Главната точка на тензијата меѓу таткото и ќерката се врти околу одлуката на Меган да се дистанцира од презимето Маркл. Според Томас, оваа одлука длабоко би ја разочарала покојната баба на Меган, која многу ја сакала Меган.
„Мајка ми беше горда што е Маркл. И јас сум. Баба ѝ се превртува во гробот. Меган никогаш немаше проблем со презимето Маркл сè додека не го запозна принцот Хари“, рекол тој.
Томас се осврнал и на прикажувањето на детството на Меган во емисијата. Тој се присетил дека лично ја земал Меган од училиште секој ден или ќе испрател возач по неа, ако тој бил зафатен. Тој истакнал дека парите никогаш не биле проблем во нивното домаќинство и дека често вечерале во ресторани.
Серијата „Со љубов, Меган“ се соочи со низа негативни критики од објавувањето. Серијата од осум дела, во која Меган готви со познати пријатели и нуди совети за хостинг, беше критикувана од страна на критичарите поради недостигот на содржина. Меѓутоа, на гледачите им се допадна емисијата, а Меган веќе ја најави и втората сезона на „Со љубов, Меган“.
