Сојузниците на НАТО ветија повеќе од 20 милијарди евра безбедносна помош за Украина во 2025 година, изјави денеска генералниот секретар на НАТО, Марк Руте.
Тој додаде дека Командата на НАТО во германскиот град Визбаден ќе продолжи да ја координира воената помош за Украина и обуката на украинските војници.
Најавата за воена помош за Украина уследи по стравувањата дека американската поддршка за Украина може драстично да се намали, бидејќи администрацијата на американскиот претседател Доналд Трамп се обидува да изнуди мировен договор, а истовремено ги повикува европските сојузници да ги зголемат трошоците за одбрана.
– И покрај континуираната посветеност на сојузниците кон Украина, останува заканата со која се соочуваме од Русија – посочи Руте.
Минатата година сојузниците на НАТО обезбедија безбедносна помош во вредност од околу 50 милијарди евра за Украина.
Министрите за надворешни работи на НАТО утре и в петок во Брисел ќе разговараат за зајакнување на одбранбените способности на Алијансата.
Администрацијата на Трамп постојано ги повика европските сојузници да ги зголемат трошоците за одбрана на пет отсто од бруто домашниот производ (БДП) – повеќе од двојно од сегашната цел на НАТО од минимум два проценти од БДП.
Руте навести дека одлуката за зголемување на трошоците за одбрана најверојатно ќе биде донесена на следниот Самит на НАТО во јуни.
Руте: Убеден сум дека НАТО ќе продолжи да постои, а САД ќе остане членка
Руте истакна дека е убеден дека Алијансата ќе продолжи да постои и САД ќе бидат дел од сојузот.
– САД повеќепати го потврдија членот 5 од Вашингтонскиот договор, но јасно кажаа дека очекуваат од сојузниците повеќе да трошат на одбраната. Тоа треба да го направиме поради заканите од Русија и од Кина – наведе Руте.
Администрацијата на Трамп повеќепати ги повика европските сојузници да ги зголемат трошоците за одбрана на пет отсто од бруто домашниот производ (БДП) – повеќе од двојно од сегашната цел на НАТО од минимум два проценти од БДП.
Руте навести дека одлуката за зголемување на трошоците за одбрана најверојатно ќе биде донесена на следниот Самит на НАТО во јуни.
Министрите за надворешни работи на НАТО утре и в петок во Брисел ќе разговараат за зајакнување на одбранбените способности на Алијансата.
– Живееме во опасен свет, НАТО мора да биде посилен, поправеден и поспособен за смртоносни напади – посочи Руте.
Тој ги поздрави напорите на американскиот претседател Доналд Трамп за завршување на војната во Украина.
– Ги поддржувам напорите на САД за праведен и траен крај на војната. Војната мора да заврши на таков начин што (рускиот претседател Владимир) Путин никогаш повеќе нема да се обиде да заземе педа од Украина или дел од територијата на НАТО – потенцира Руте.
Тој претходно најави дека сојузниците на НАТО за 2025 година ветиле безбедносна помош за Украина во висина од над 20 милијарди евра, а Командата на Алијансата во германскиот град Визбаден ќе продолжи да ја координира воената помош за Украина и обуката на украинските војници.
