Следува затоплување, а од петок слаб локален дожд

Времето денеска ќе биде променливо облачно со сончеви периоди, најавува Управата за хидрометеоролошки работи.

По котлините ќе има појава на магла. Ќе дува слаб до умерен ветер. Во западните делови од Македонија ќе дува од западен, а во југоисточните делови од северозападен правец.

Утринските температури ќе се симнат од минус 3 во Берово, до 4 степени во Гевгелија, а максималната температура ќе се искачи од 4 во Тетово и во Штип, до 12 степени Целзиусови во Гевгелија.

- Advertisement -

Во следните денови времето ќе биде променливо облачно со сончеви периоди и со пораст на дневната температура. По котлините ќе се задржи магливо и постудено со пониска дневна температурата. Локални слаби врнежи, претежно од дожд, се очекуваат во петок.