Саша Мирковиќ, српски претприемач, музички продуцент и сопственик на „Хајп Телевизион“, бил претепан пред хотелот „Шератон“ во центарот на Загреб

Саша Мирковиќ, српски претприемач, музички продуцент и сопственик на „Хајп Телевизион“, бил претепан пред хотелот „Шератон“ во центарот на Загреб, јавуваат српските медиуми.

Мирковиќ и уште еден маж се сретнале на влезот во хотелот, по што дошло до вербален конфликт кој ескалирал во физичка пресметка.

„Телеграф“ објави снимки на кои се гледа како крвавиот Мирковиќ лежи на тротоарот, веднаш по тепачката.

- Advertisement -

Набрзо пристигнала брза помош и го однела во болница.

Загрепската полиција потврди дека денеска добила пријава дека двајца мажи се степале пред хотелот и дека едниот од нив е однесен во болница.

– Кривичната истрага и утврдувањето на сите околности на настанот е во тек – велат од Загрепската полициска управа.

Мирковиќ потврди дека бил физички нападнат, а за нападот го обвини менаџерот Велибор Поповиќ Поп. Тој рече дека бил нападнат одзади и го окарактеризира потегот како „обид за убиство“.

Поповиќ, пак , за српските медиуми, изјави дека Мирковиќ го нападнал вербално навредувајќи ги неговите деца.

-Ќе ви кажам точно како се случило. Стоев пред хотел во Загреб кога црн џип со загрепски регистрации застана пред влезот. Не обрнав внимание сè додека Саша Мирковиќ не излезе од возилото. Потоа веднаш тргна кон мене и почна да ги навредува моите деца. Потоа имаше тепачка, но тој беше првиот што нападна, што јасно се потврдува со видеото од местото на настанот. Ништо од она што сега се обидува да го прикаже во јавноста не е вистина. Обидот на Свија да предизвика симпатии и да создаде лажна симпатија за тоа што навистина се случило – нема да помине. „Сè е јасно видливо на видеото и нема лаги – вели тој.

Менаџерот додаде дека освен физичкиот конфликт, ништо друго не се случило и нагласи дека неговата чест и углед се најважни, како и заштитата на неговото семејство и пријателите.

-Цврсто стојам зад сè што кажав, никогаш не сум бегал од одговорност и не бегам ниту сега – заклучи Поповиќ.

Велибор Поповиќ е познат како менаџер на популарните пејачки: Цеца Ражњатовиќ, Теа Таировиќ, Анѓеле Игњатовиќ Бресквице, Стоја Новаковиќ, Едита Арадиновиќ, и многу други.