САД убиле неколку борци на Исламска држава во Сомалија Американската војска нападнала позиции на Исламската држава во Сомалија, при што убиле неколку нејзини борци, соопшти американската војска.
Координираната операција, предводена од американската команда за Африка (Африком) заедно со сомалиската влада, беше насочена кон познатите засолништа на екстремистичката Исламска држава (ИД) во планините Голис, рече Могадишу.
Нападите беа извршени во вторникот вечерта. Според првичните информации, загинале неколку борци на ИД, но нема извештаи за цивилни жртви. Не се дадени други детали, пренесе француската новинска агенција АФП.
Слична порака подоцна испрати и Африком.
ИД има релативно мало присуство во Сомалија во споредба со групата Ал Шабаб, која е поврзана со Ал Каеда, но експертите предупредуваат на растечка активност.
САД извршија речиси исто толку воздушни напади во Сомалија од почетокот на годината како и цела минатата година. Според Африком, војската учествувала во најмалку девет напади од февруари, вклучувајќи пет против ИД и четири против терористичката милиција Ал Шабаб.
