Предистрага за финансиски злоупотреби во прилепската болница

Од утрово во Прилеп е во тек е полициска акција по наредба на Обвинителството, во која се вршат претреси на повеќе локации, во врска со финансиски злоупотреби во прилепската болница.

„Основното јавно обвинителство Прилеп постапува во предистражна постапка поради сомненија за кривично дело Злоупотреба на службена положба и овластување, а поврзано со финансиското работење на болницата. Обезбедени се наредби за претрес на 8 локации, а дејствијата ги презема Управата за финансиска полиција. По претресите, предистражната постапка ќе продолжи со други дејствија за обезбедување докази“, соопшти Обвинителството.