ПРЕД ТЕЛЕГРАМАТА НА ТОШКОВСКИ ,ПОЛИЦАЈЦИТЕ УЧЕЛЕ МОРЗЕОВА АЗБУКА ,НЕ МОЖЕЛЕ ДА ГО ДЕШИФРИРААТ СЕМЕЈНОТО НАСИСЛТВО

Топ Вести - Слушај сега

Министерот за внатрешни работи испрати итни инструкции до полициските службеници по трагична смрт на два млади животи — но прашањето останува: зошто дури сега? Позадината на жртвата откри низа пропуштени прилики.

Министерот реагира — но откако е доцна,во стил на америчка којница

- Advertisement -

По трагичниот инцидент во Карпош, каде жена и малолетно дете го загубија животот откако паднале од балкон, министерот за внатрешни работи Панче Тошковски реагираше со итна акција — испраќање телеграми до сите полициски службеници во земјата.

Содржината на телеграмата налагала дека службениците мораат да реагираат веднаш и енергично секогаш кога ќе дознаат за случај на семејно насилство. Инструкцијата изгледа јасна, но отвора неудобно прашање: а пред телеграмата — што правеа?

Дали им требаше телеграма за да знаат дека семејното насилство е закана по живот? Дали протоколите за постапување не биле јасни до денес? Овие прашања министерот не ги адресираше јавно.

Историјата на жртвата: 10 пријави, дрога, мерки — и двајца мртви

Според податоците кои ги изнесе самиот Тошковски, осомниченото лице , мажот, поврзан со трагедијата , во изминатите две години имало не помалку од десет кривични пријави. Спектарот на обвинувања е широк: имотни деликти, насилен криминал и недозволена трговија со дрога.

При претрес, кај него биле пронајдени 20 паковки наркотична супстанција. Лицето било уапсено, против него поднесена кривична пријава. По барање на јавниот обвинител, му биле изречени мерки на претпазливост — меѓу кои обврска за редовно јавување пред суд.

И потоа ,тишина. Никакви натамошни рестриктивни мерки. Никакво засилено следење. Никакво одземање на слободата на движење, иако профилот на лицето јасно укажувал на висок ризик.

Системски пропуст или индивидуална грешка?

Трагедијата во Карпош не е само човечка , таа е системска. Лице со десет кривични пријави, со пронајдени наркотици, со судски мерки , продолжило да живее без соодветен надзор. Двете жртви платиле со животот за тој пропуст.

Телеграмата на Тошковски, без оглед на добрата намера, дојде откако е направена штетата. Јавноста не бара театрална реакција по факт ,бара одговори: Кој одлучил дека мерките се доволни? Зошто не бил предложен притвор? Кој го следел извршувањето на мерките?

МВР има јасни законски обврски кога станува збор за лица со криминален досие и ризик по безбедноста на другите. Тие обврски не се исполнуваат со телеграми , туку со конзистентно и навремено постапување.

Бадијала телеграми од како ќе се случи ваква трагедија Тошковски.

Наместо перење на образ пред камерите, институцијата треба да покрене внатрешна истрага, да ги утврди одговорностите во ланецот на одлуки и да обезбеди дека вакви пропусти нема да се повторат. Само тоа би претставувало вистинско почитување на жртвите од Карпош.

Сашо Денесовски