Повторно избувнаа вооружени судири во либискиот главен град Триполи

Вооружените судири продолжија утрово во либискиот главен град Триполи, јавува Анадолу.

Судири избувнаа меѓу групите во населбите Аин Зара, Рас Хасан и Бин Ашур, соопштија локални извори.

Сè уште нема достапни информации за жртви.

- Advertisement -

Либиските медиуми објавија дека летовите се суспендирани на аеродромот Митига поради конфликтот, додека Министерството за образование ја суспендираше наставата во сите училишта во Триполи.

Мисијата за поддршка на ОН во Либија (UNSMIL) изрази загриженост во врска со конфликтот во Триполи.

„УНСМИЛ е длабоко вознемирена од ескалацијата на насилството во густо населените населби на Триполи втора ноќ по ред, што ги става многу цивили во сериозна опасност“, соопшти УНСМИЛ, повикувајќи на итен, безусловно прекин на огнот.

Судирите првпат избувнаа во понеделник по смртта на Абдел Гани ал-Кикли, кој го предводи Апаратот за поддршка на стабилноста поврзан со Претседателскиот совет.

Либија е сцена на длабока политичка и безбедносна криза од 2011 година, кога долгогодишниот владетел Моамер Гадафи беше соборен по четири децении на власт.