Потпретседателот на Европската централна банка, Луис де Гиндос, рече дека понатамошниот раст на еврото на повеќе од 1,20 долари би можел да биде проблематичен за монетарните власти на еврозоната

Потпретседателот на Европската централна банка (ЕЦБ), Луис де Гиндос, денеска рече дека понатамошниот раст на еврото на повеќе од 1,20 долари би можел да биде проблематичен за монетарните власти на еврозоната.

– Мислам дека нивоата од 1,17, па дури и 1,20 долари за еврото се прифатливи и не се проблем, но секое зголемување над тоа би било многу покомплицирано – изјави де Гиндос на маргините на годишниот форум на Европската централна банка (ЕЦБ) во Синтра.

Еврото порасна за речиси 14% оваа година во однос на американската валута, а ЕЦБ внимателно го следи ова зајакнување.

- Advertisement -

– Не таргетираме специфичен девизен курс на еврото, но го вклучуваме девизниот курс и неговото движење во проекциите и монетарните одлуки – рече де Гиндос.

Според него, брзината на растот на еврото привлекува поголемо внимание отколку самата висина на девизниот курс.