По девет години врска, Кристијано Роналдо и неговата свршеница Георгина Родригез ја планираат својата свадба, а познатиот фудбалер избра посебно место за таа пригода

По девет години врска, Кристијано Роналдо и неговата свршеница Георгина Родригез ја планираат својата свадба, а познатиот фудбалер избра посебно место за таа пригода.

Двојката, која се сврши во август, ќе го каже своето последно „да“ на родниот остров на Роналдо, Мадеира, а церемонијата е закажана за ова лето по Светското првенство, објави „Сан“.

Ѕвездата на „Ал-Наср“ наводно, за венчавката ја избрал катедралата во Фуншал, додека свадбената прослава ќе продолжи во еден од луксузните хотели на островот.

- Advertisement -

Изборот на Фуншал за Роналдо има длабоко лично значење. Катедралата е на помалку од три километри од болницата каде што е роден и недалеку од стадионот на неговиот младински клуб, Национал да Мадеира.

Легендата на Реал Мадрид помина две години таму пред, на 12-годишна возраст, во 1997 година, да се приклучи на Спортинг Лисабон.