Пентагон ги прекина сите објави на социјалните мрежи

Пентагон издаде наредба за итна глобална пауза на сите објави на социјалните мрежи, освен на оние што се поврзани со воената операција и со распоредувањето на американската војска на јужната граница, објави Фокс њуз.

Наредбата, одобрена од американскиот претседател Доналд Трамп, ќе остане во сила додека не се потврди новиот секретар за одбрана и не се донесе спротивна одлука.

Паузата ќе трае неколку дена, додека не се издадат упатства за сите вработени воени и цивилни лица, задолжени за социјалните мрежи.

- Advertisement -

Објавите ќе се фокусираат само на теми поврзани со „подготвеноста и способноста за време на војната“, соопштија претставници на Пентагон.

Паузата се однесува само на социјалните медиуми, додека соопштенијата за медиумите и информациите за тековните воени операции ќе продолжат да бидат достапни преку официјалните владини веб-страници.

Мрежите нема да се исклучат и нема да бидат отстранети претходните објави.