Пејачот на настап го смени текстот на песната напишана за неговата жена

Музичарот Кит Урбан се најде на удар на социјалните мрежи откако го смени текстот на неговата песна од 2016 година „Fighter“, која првично ја напиша од љубов кон неговата сопруга Никол Кидман од која сега се разведува.

На неодамнешен настап, пејачот го смени текстот за да зборува за друга жена, за неговата музичарка Меги Брау, која му се придружи на турнејата.

Публиката веднаш ја забележа промената, а видеата од концертот брзо се проширија на социјалните мрежи. Многу обожаватели го критикуваа Урбан и го нарекоа тоа „недостаток на почит“ кон Никол.

- Advertisement -

– Таа песна беше за Никол, за нивната љубов. Да ја промени сега и да ја посвети на друга жена е навреда – коментираа обожавателите на X (порано Твитер).

Само еден ден претходно, на 30 септември, Никол Кидман поднесе барање за развод во судот во Нешвил, со што заврши нивниот 19-годишен брак. Веста дојде во услови на растечки гласини за неверство што циркулирале во Нешвил со месеци.

Иако ниту Кидман ниту Урбан сè уште јавно не коментирале за шпекулациите, нивните обожаватели продолжуваат внимателно да го следат секој потег на славната двојка, а промената во текстот на песната само поттикна сомнежи и дебати.