Папата: Римокатоличката црква е подготвена да прифати единствен датум за Велигден

Поглаварот на Римокатоличката црква, папата Франциско, изјави дека неговата црква е подготвена да прифати единствен датум за Велигден, бидејќи верскиот празник често се слави на различни датуми во зависност од верските календари.

„Католичката црква е подготвена да го прифати датумот што секој го посакува, датумот на единството“, рече папата во својата проповед на мисата со која заврши неделата на молитва за единство на сите христијани.

Папата рече дека оваа година Велигден ќе се слави на истиот датум според Грегоријанскиот и Јулијанскиот календар.

- Advertisement -

„Апелирам овогодинешното совпаѓање на датумите да биде потсетник за сите христијани да направат одлучувачки чекор кон единството, околу заедничкиот датум Велигден“, додаде папата Фрањо.

Датумот на Велигден генерално се пресметува, во зависност од Црквата, според Јулијанскиот или Грегоријанскиот календар, што понекогаш доведува до разлика во датумите од неколку недели.