Откриени фосили од нов вид диносауруси со крокодилска коска во вилиците

Палеонтолозите во Аргентина открија нов вид предаторски диносаурус, „Joaquinraptor casali“, чии фосили беа пронајдени со крокодилска коска во вилиците, што укажува дека станува збор за голем предатор.
Диносаурусот, член на семејството мегараптори, живеел пред околу 66 до 70 милиони години за време на периодот креда, бил долг околу седум метри и тежел повеќе од 1.000 килограми, објави ABC news.

Фосилите се пронајдени во формацијата Лаго Колуе Хуапи во Патагонија и се добро зачувани, вклучувајќи го черепот, предните и задните екстремитети, ребрата и пршлените.

Анализата на коските покажува дека примерокот бил возрасен, но сè уште не зрел, единка, стара околу 19 години.

- Advertisement -

Истражувачите велат дека присуството на крокодилска коска во вилиците дава увид во исхраната на диносаурусот за кој станува збор и ја потврдува неговата улога како доминантен предатор во регионот.

Мегарапторите, според достапните податоци, биле широко распространети во Азија, Австралија и Јужна Америка, а групата изумрела на крајот од периодот креда.