Огромна трагедија: Млад фудбалер (22) колабирал на загревање и починал

Синамандла Зонди, 22-годишниот играч на јужноафриканскиот клуб Дурбан Сити, почина откако му се слоши за време на загревањето пред лигашкиот натпревар во втората лига на земјата.

Без никакви претходни проблеми, Зонди и неговите соиграчи од Дурбан Сити нормално се загреваа во пресрет на првенствениот натпревар против Милфорд. Младиот фудбалер во еден момент паднал на тревникот и итно бил префрлен во блиската болница.

Во меѓувреме започна натпреварот помеѓу Дурбан Сити и Милфорд, но беше прекинат на полувремето кога и официјално беше објавена веста дека Зонди починал. Причината за неговата смрт се уште не е официјално позната.

- Advertisement -

Зонди беше еден од најдобрите играчи на Дурбан Сити, екипа која моментално е на првото место на табелата во втората лига и е прв фаворит за влез во елитната класа на јужноафриканскиот фудбал. Во тековната сезона, дефанзивецот Зонди одигра 24 првенствени настапи за својот тим и постигна два гола.