Американскиот претседател Доналд Трамп изјави дека „нема намера“ да ги ублажи царините од 25% наметнати на американските трговски партнери за челик и алуминиум.
– Не, немам намера да го сторам тоа – им рече Трамп синоќа на новинарите кои го прашаа дали ќе одобри ослободувања од царината.
Во обид да го ребалансира трговскиот биланс на неговата земја, Трамп се вклучи во борба за моќ по неговото враќање во Белата куќа во јануари, што ги дестабилизира финансиските пазари и предизвика страв од рецесија во најголемата светска економија.
Од минатата недела на сила се царини од 25% за челик и алуминиум, со цел да се заштити американската челична индустрија, која се соочува со зголемена конкуренција.
Трамп планира да воведе таканаречени „реципрочни“ царини за сите трговски партнери на неговата земја почнувајќи од 2 април.
Тоа е и датумот кога треба да стапат на сила царините од 25% за мексиканските и канадските производи, кои беа привремено суспендирани на почетокот на март.
– Први април е ден на ослободување на нашата земја. Милијарди долари веќе дојдоа во нашата земја, а почнувајќи од 2 април, ќе има уште повеќе – рече Трамп.
