Од 1 јануари 2026 година, банкоматите ќе издаваат само евро банкноти, според регулативата на Бугарската централна банка (БНБ). Ќе се полнат со банкноти од 5 до 100 евра. Банкноти поголеми од 200 евра нема да бидат достапни на банкоматите, објавија бугарските медиуми.
Регулативата на БНБ наведува кои банкноти мора да бидат во банкоматите и кои банкноти ќе се издаваат. Банкоматите што користат две касети за евро банкноти мора да содржат банкноти од 10 и 20 евра.
Банкоматите со три касети за евро банкноти мора да имаат банкноти од 10 евра и 20 евра, а покрај нив, можат да се полнат со 5 евра или 50 евра.
Банкоматите со четири касети за евро банкноти мора да имаат банкноти од 10 евра и 20 евра, а покрај нив можат да се полнат со 5 евра, 50 евра или 100 евра.
При подигнување износ над 100 евра, банкоматот ќе издава само банкноти од 50 евра или 100 евра, а при подигнување помали износи, автоматот ќе издава и помали банкноти.
