Обожавателите се воодушевени од новите песни на светската сензација

Тејлор Свифт го објави својот 12-ти студиски албум, насловен како „The Life of a Showgirl“. Милиони обожаватели низ целиот свет нетрпеливо го чекаа објавувањето на 12 нови песни од најпознатата поп-ѕвезда на денешницата. Реакциите на социјалните мрежи не престануваат, а многумина веќе го нарекуваат овој албум „албум на годината“.
Коментарите на X платформата (порано Twitter) се полни со емоции и пофалби: „Неверојатни текстови и моќни мелодии. Како е ова можно?“, „Албумот на мојот живот, албум на годината. Ти благодарам, Тејлор“, „Одлична работа“, „Ми се допаѓа што албумот звучи носталгично, како почетокот на 2000-тите, а сепак модерно. Како го прави тоа? Мислам дека Тејлор измисли нова деценија, а потоа напиша албум за неа“, „Како е можно Тејлор да пишува текстови што се толку блиски до мојот живот? Ова е ремек-дело.“
„The Life of a Showgirl“ е 12-тиот студиски албум на 35-годишната пејачка. Содржи 12 песни, а е продуциран од Макс Мартин, Шелбек и самата Тејлор Свифт. Последната, насловна песна од албумот е соработка со пејачката Сабрина Карпентер.
Албумот го следи успехот на минатогодишниот „The Tortured Poets Department“, кој беше издаден на средината на рекордната турнеја која заработи над 2,2 милијарди долари во текот на две години на пет континенти, станувајќи најпрофитабилна турнеја на сите времиња.

„The Life of a Showgirl“ е исто така првото издание откако Тејлор ја врати сопственоста на целото свое музичко портфолио. Во мај, таа го купи својот каталог за снимање од инвестициската фирма Shamrock Capital, иако износот не беше откриен.