Норвешка ја осуди одлуката на Финска да ја напушти Конвенцијата за забрана на нагазни мини Норвешка нема да се повлече од Меѓународната конвенција за забрана на нагазни мини како Финска, изјави во средата министерот за надворешни работи Еспен Барт Еиде.
Финскиот претседател Александар Стуб рече дека Хелсинки се подготвува да ја напушти Конвенцијата од Отава од 1997 година – позната и како договор за забрана на противпешадиски мини – за да ја ублажи руската закана.
„Оваа одлука [на Финска] е за жалење“, рече Барт Ајде во изјава за Ројтерс. „Ако почнеме да ја ослабуваме нашата посветеност, ќе им олесниме на завојуваните фракции ширум светот повторно да ги користат овие оружја, бидејќи со тоа ја намалуваме стигмата околу нивната употреба“, додаде тој.
Конвенцијата од Отава од 1997 година е под притисок поради војната на Москва против Украина, особено во земјите кои граничат со Рурија, кои стравуваат дека ќе бидат цел на самата Москва.
Одлуката на Финска да се повлече од договорот ја остави Норвешка како единствена европска земја што се граничи со Русија (со граница долга речиси 200 километри на далечниот север) која не планира да складира нагазни мини.
Полска и три балтички земји на 18 март објавија дека имаат намера да ја напуштат Меѓународната конвенција поради согледаните закани за земјите-членки на НАТО кои граничат со Русија и Белорусија.
„Веруваме дека во сегашното безбедносно опкружување, најважно е да се обезбеди флексибилност и слобода на избор за нашите одбранбени сили потенцијално да користат нови системи за оружје и решенија за зајакнување на одбраната на ранливото источно крило на алијансата“, се вели во соопштението на претставниците на Полска, Естонија, Летонија и Литванија, според Politico.
