Најмалку три лица се тешко повредени, а други се здобиле со полесни повреди кога автомобил се забил во група луѓе во германскиот град Штутгарт

Најмалку три лица се тешко повредени, а други се здобиле со полесни повреди кога автомобил се забил во група луѓе во германскиот град Штутгарт, соопшти полицијата. Според Дојче Веле, возачот на автомобилот е уапсен, изјави портпаролот на полицијата.

Според првичните информации, „мерцедесот“ удрил во група пешаци на пешачкиот премин кај трамвајската станица Олгаек. Иако првично беше објавено дека се повредени три лица, подоцна беше соопштено дека се повредени осум и дека тројца се сериозно повредени.

Спасувачите се присутни на местото на настанот за да им помогнат на повредените.

- Advertisement -

Очевидци изјавија дека тешко теренско возило удрило во жена која носела количка. Фотографиите од местото на несреќата покажуваат уништена количка на трамвајските шини.

Сè уште не е јасно дали возачот намерно удрил во пешаците.