Најмалку 42 луѓе загинаа во синоќешната сообраќајна несреќа во планински регион во северниот дел на Јужна Африка

Најмалку 42 луѓе загинаа во синоќешната сообраќајна несреќа во планински регион во северниот дел на Јужна Африка. Автобус полн со патници излета од патот во планински предел и се преврте.

Несреќата се случила во близина на градот Луис Тричарт. Автобусот превезувал патници од Зимбабве и од Малави.

Локалните власти не соопштија колку лица се повредени во сообраќајната несреќа.

- Advertisement -

Претседателот на Јужна Африка, Сирил Рамафоса, изрази жалење за големиот број жртви, меѓу кои има и 7  деца. Тој рече дека „ова не е само трагедија за земјата, туку и за нашите сестрински држави Зимбабве и Малави“.