Најмалку 15 мртви во израелски напад врз северниот дел на Газа

Најмалку 15 мртви во израелски напад врз северниот дел на Газа Цивилната одбрана на Газа објави дека најмалку 15 лица загинале во четвртокот во мугрите во израелските воздушни напади во северниот дел на Појасот Газа, по повикот на израелската армија за евакуација.

Портпаролот на цивилната одбрана Махмуд Басал рече дека нападот бил насочен кон неколку куќи во населбата Шуџаја во градот Газа. „Уште неколку луѓе се заробени под урнатините“, додаде тој.

Израелската војска упати нов повик за евакуација на жителите на Шуџаија и други делови на северниот дел на Појасот Газа.

- Advertisement -

„Израелската армија оперира со голема сила во вашите области за да ја уништи терористичката инфраструктура“ на палестинското исламистичко движење Хамас, рече портпаролот на армијата на арапски јазик, Авичај Адраи, во објава на X. „Морате веднаш да ги напуштите овие области и да отидете во познатите засолништа во западниот дел на градот Газа“, додаде тој.