Моделот и актерка Каја Гербер (24) дефинитивно ги следи стапките на својата позната мајка Синди Крафорд. Со секое појавување во јавноста, таа нè потсетува колку е слична на познатата манекенка од 90-тите, а сега го украде вниманието на едно вечерно излегување.
Каја ја помина вечерта излезена во Беверли Хилс, а она што го привлече вниманието беше нејзиното крзнено палто во боја на боровинки кое го носеше преку класичен црн мини фустан. Го комплетираше едноставниот, но впечатлив изглед со црни чевли и големи црни обетки.
Целата комбинација е дел од новата колекција на брендот за висока улична мода, Манго, а Каја, која е амбасадор на брендот, одеше токму кон нивната забава. Таа се приклучи на модната куќа оваа година, исто така следејќи ги стапките на нејзината мајка, која беше лице на истиот бренд како и нејзините колешки, моделите од 90-тите Клаудија Шифер, Наоми Кембел и Кејт Мос – сите амбасадори на брендот со седиште во Барселона. Линијата инспирирана од ноќни излегувања беше лансирана во октомври и содржи парчиња во црна и сребрена боја.
За нејзините референци за стил на забави, Гербер претходно изјави за Vogue дека е „хронична Пинтерест девојка уште од предтинејџерските денови“ и дека обично се восхитува на Одри Хепберн или Џејн Биркин – или Мос од почетокот на 90-тите.
– Ако не знаете што да облечете на забава, таа секогаш одлично комбинира шик, едноставно и секси – рече таа.
Во друго интервју за списанието оваа година, таа рече дека и на стари фотографии од нејзината мајка супермодел бара инспирација за убавина.
– Убавото нешто во тоа што многу личам на мајка ми е тоа што ако сакам да знам дали косата или шминката ќе ми стојат добро, ќе ги погледнам нејзините слики – бидејќи ако ѝ стојат добро неа, најверојатно ќе ми стојат добро и мене – рече таа.
Славната мајка и ќерка често може да се видат заедно, а сличноста меѓу нив е повеќе од забележлива. Порано овој месец, Гербер и Крафорд пристигнаа на LACMA Art+Film Gala заедно во фустани од Гучи, а веднаш потоа следеа коментари дека изгледаат како близначки.
За потсетување, Каја стана една од најбараните модели денес, а на нејзините деловни соработници навистина им се допаѓа нејзината посветеност и спортски начин на живот. Значи, таа секогаш пристигнува на време и ги завршува сите свои деловни обврски на време.
